India Post Fake Jobs,தபால் துறையில் வேலைவாய்ப்பா? உஷாரய்யா உஷாரு!! – postal department warned that dont believe fake news regarding employment in india post

tamil-samayam.jpg

தவறான ஆதாயம் ஈட்டும் உள்நோக்கத்துடன் சில மோசடியான நபர்களால் போலியான தேர்வு ஆணைகள் வழங்கப்படுவதாக தொடர்ந்து புகார்கள் வருகின்றன. அதேபோல, சில வலைத்தளங்கள், சமூக ஊடகங்கள் மூலம் ஆன்லைனில் வேலை வழங்குவதாகக் கூறி போலி நியமனக் கடிதங்களை வழங்கி அதற்கு பணம் செலுத்துமாறு கேட்பதும் கண்டுபிடிக்கப்பட்டுள்ளது. வேலை தேடுபவர்கள் இதுபோன்ற ஏமாற்று வலையில் சிக்கவேண்டா என்று அஞ்சல் துறை தரப்பில் கேட்டுக் கொள்ளப்பட்டுள்ளது.

post office job

அஞ்சல் துறையின் நற்பெயருக்கு களங்கம் விளைவிக்கும் நோக்கில் போலி கையொப்பத்துடன், இந்திய தபால் துறையின் பெயர் மற்றும் லோகோவை இவர்கள் முறைகேடாகப் பயன்படுத்தி வருகின்றனர். இது தொடர்பாக பொதுமக்கள் மற்றும் வேலை தேடுபவர்கள் அனைவரும் தேர்வு ஆணைகளின் உண்மைத்தன்மையை சரிபார்க்குமாறு கேட்டுக்கொள்ளப்பட்டுள்ளது.

பணியாளர் தேர்வாணையம் மற்றும் அஞ்சல் துறை மூலம் நடத்தப்படும் தேர்வின் மூலம் தகுதித் தேர்வு அல்லது செயல்முறை மூலம் அதிகாரிகளைத் தேர்ந்தெடுப்பதற்கான முறையான ஆட்சேர்ப்பு செயல்முறையை இந்திய அஞ்சல் துறை பின்பற்றுகிறது. மேலும் இந்தியா போஸ்ட் நிறுவனம் விண்ணப்பதாரர்கள், வேலை தேடுபவர்கள் ஆகியோரிடம் எந்த வகையிலும் பணம் கேட்கவோ, கோரவோ அல்லது பெறவோ இல்லை. எனவே இதுபோன்ற போலியான நபர்களிடம் பணம் கொடுத்து ஏமாற வேண்டாம் என்று எச்சரிக்கை செய்யப்பட்டுள்ளது.

கூகுள் செய்திகள் பக்கத்தில் Samayam Tamil இணையதளத்திற்கு செல்ல இங்கே கிளிக் செய்யுங்கள்.. உடனுக்குடன் செய்திகளை பெறுங்கள்.

வேலை தேடுபவர்கள் எந்தவொரு விஷயத்திலும் இதுபோன்ற போலி கோரிக்கைகளுக்கு பதிலளிக்கக்கூடாது என்று இந்தியா போஸ்ட் கேட்டுக் கொண்டுள்ளது. மேலும் நீங்கள் ஏதேனும் அங்கீகரிக்கப்படாத சந்தேகத்திற்குரிய அல்லது மோசடியான சலுகைகள் அல்லது நேர்காணல் அழைப்பைப் பெற்றால் உடனே அஞ்சல் துறைக்கு கீழ்காணும் மின்னஞ்சல் மூலம் தெரிவிக்கவும் என்று கேட்டுக் கொள்ளப்பட்டுள்ளது.

vig.tn@indiapost.gov.in

வேலை தேடுபவர்கள் தாங்கள் ஆட்சேர்ப்பு மோசடியால் பாதிக்கப்பட்டது தெரியவந்தாலோ அல்லது சந்தேகப்பட்டாலோ உடனடியாக சட்ட ரீதியான நடவடிக்கையை எடுக்க வேண்டும் என்று அஞ்சல் துறை அறிவுறுத்தியுள்ளது. எந்தவொரு மோசடி தகவல் தொடர்பு அல்லது அதன் விளைவுகளிலும் செய்யப்பட்ட பிரதிநிதித்துவத்திற்கு அஞ்சல் துறை எந்தப் பொறுப்பும் ஏற்காது என்று திட்டவட்டமாகத் தெரிவித்துள்ளது.


Source link

Leave a Comment

Your email address will not be published. Required fields are marked *

Scroll to Top